把口快過個腦 寧願寫低都唔好當面同人拗

水星火星角度極近，易有溝通衝突，今日少講嘢為妙。

水星同火星今日夾到幾乎重疊，對白羊座嚟講真係要小心把口。你平時已經係直腸直肚嘅人，偏偏呢排水星逆行，講親嘢都好容易俾人誤會，再加上火星夾埋一齊，搞到把火嚟得快又收唔切。今日最好少啲同人爭論，尤其係工作上嘅嘢，寧願寫低都唔好當面拗。

另外月亮仲喺巨蟹座度，自己情緒都幾浮動，水逆時期舊事翻出嚟，火星又幫你火上加油。建議今日專心做啲唔使點講嘢嘅嘢，或者留啲時間俾自己休息，唔好衝動做決定。