成日係你照顧人今日覺得好委屈 突然有人同情反而要睇清楚佢真心定假意

盈凸月夾埋海王星嘅能量，令巨蟹今日情緒起伏，容易對身邊嘢挑剔。

月亮今日入咗雙魚座，盈凸月嘅光度就嚟滿，加埋太陽同海王星行得好近，巨蟹特別敏感。你會有種成日都係你照顧人，但冇人反過嚟照顧你嘅委屈，搞到連食飯都冇乜心機。

工作方面，專心做返自己嗰份好過。今日唔係做和事佬嘅時候，唔使勉強調解人哋嘅態度。假如突然有朋友或同事痴埋嚟同情你，要小心海王星放煙霧，佢未必真係明白你。