傾生意對方臨時轉軚易有誤會，袋定兩個方案先好埋枱講數

眉月配合水星土星對沖，溝通同合約易有阻滯，最好有後備方案傍身。

眉月喺人馬座，加上水星同土星對分，今日同人傾嘢特別容易撞板。對方企得硬，唔多肯讓步。件事涉及錢銀或者合作條件嘅話，就算你自問講得好清楚，對方都可能誤解你意思，甚至臨時轉軚。

約人傾生意之前，最好袋定兩個方案，唔好諗住一次就傾得成。夜晚月亮進入空亡狀態，約會或者朋友聚會都易甩底，約人之前記住要再 confirm 多次。