人哋氹兩句你就應承埋單找數 簽約前忍一忍話聽日先答實

太陽同金星貼到實，令你今日好想迎合人，小心蝕底。

太陽同金星幾乎黐埋一齊，成個天都係呢種「求和」嘅氣場。你本身已經係個好怕衝突嘅人，今日直頭會為咗令對方開心，應承埋啲自己根本做唔嚟嘅嘢。月亮喺白羊座，盈凸月光度夠晒，令你情緒高漲又好衝動，把口快過個腦，返到屋企先嚟後悔。

建議你今日簽約之前，同對方講「我聽日答實你」，畀自己一個冷靜嘅機會。金錢方面都要特別小心，太陽合金星好易令人用錢買開心，咪俾人𠱁你找數。