人前風光背後勞碌，隨口應承承諾易食言

月亮喺獅子座，加上殘月，白羊座今日自我感覺良好但行動力唔夠。

今日月亮喺獅子座，又撞正殘月，你好想出位做場大龍鳳，但精神同體力根本未回夠氣。月亮貼近木星，你覺得自己魅力爆燈，可能有人開口讚你兩句，咪開心到忘晒形，小心隨口應承啲根本搞唔掂嘅嘢。

工作上尤其要注意。雄心壯志冇問題，但細節位易甩漏，最好老老實實寫低清單，逐項剔。感情方面，你可能心思思想同另一半搞啲浪漫驚喜，點知對方反應平淡，唔好咁一廂情願。